Украиналик боксчи, оғир вазн тоифасида WBA, WBO ва IBF йўналишлари чемпиони Александр Усик Украина чемпионатида "Полесье" футбол жамоасида ўйнаш истаги ҳақида гапирди. У турнирда иштирок этиш учун озишини тан олди.
“Менда болаликдан бир орзуим бор эди, у амалга ошди. Мен Туркияда (машғулот йиғинида) "Полесье" профессионал футбол жамоасида ўйнадим. Ўйлайманки, улар менга Премьер-лигада (Украина) ўйнашим учун иккинчи бўлимнинг етти дақиқасини беришади. Ҳа, мен марказий ҳужумчиман, лекин бутун майдонда югура оламан”, деди Усик.
Олександр Усик (20:0) 20 август куни Жидда шаҳрида Энтони Жошуани (26:3) ҳакамлар қарори билан (116:112, 115:113, 113:115) мағлуб этди.
