“Порту” Чемпионлар лигасида мавсумни ўта омадсиз бошлади – жамоа биринчи турда “Атлетико”га ютқазди, иккинчи турда эса кутилмаганда Бельгиянинг “Брюгге” жамоасига 0:4 ҳисобида имкониятни бой бериб қўйди.

Бу мағлубият 1987 ва 2004 йилларда турнирда ғалаба қозонган Португалия клуби учун ўтган мавсумдаги ўйинларни ҳисобга олган ҳолда қаторасига тўртинчиси бўлди, омадсиз серия ўша пайтда бошланган.

Ўшанда “Порту” 2021 йил 24 ноябрда “Ливерпул”га, кейин эса ўтган йилги турнирнинг сўнгги турида “Атлетико”га ҳам мағлуб бўлганди. Бунгача “Порту” Европанинг энг нуфузли клуб мусобақасида кетма-кет тўртта ўйинда мағлуб бўлмаганди.