"Манчестер Юнайтед" бош мураббийи Эрик тен Хаг Европа лигаси гуруҳ босқичидаги омадсиз стартдан сўнг жамоадаги босим ҳақида гапирди. Биринчи турда "манкунианликлар" ўз майдонида "Реал Сосьедад"га 0:1 ҳисобида имкониятни бой беришди.
"Биз қандай натижа кўрсатмайлик, ҳар бир жангда босим остидамиз. "Манчестер Юнайтед" ҳар бир ўйинда ғалаба қозониши керак. Биринчи турда мағлуб бўлдик, энди ўзимизни ғалаба билан оқлашимиз керак. Жамоа буларнинг барчасини тушунади", - деди нидерландиялик мутахассис клуб матбуот хизматига.
“Қизил иблислар” иккинчи турда Молдованинг “Шериф” жамоасии билан куч синашади.
