Суперлига 19-туридан ўрин олган учрашувда "Насаф" "Қўқон-1912"ни қабул қилиб, 2:1 ҳисобида ғалаба қозонди.

Ўйиндаги илк голни Дилшот Саитов 26-дақиқада киритди. Қўқонликлардан Шоҳназар Норбеков 72-дақиқада бу голга жавоб қайтарди. 90+4-дақиқада Ҳусниддин Алиқуловнинг киритган голи "аждарлар"га муҳим уч очкони тақдим этди.

Турнир жадвалида "Насаф" 38 очко билан пешқадам, 2-ўриндаги "Пахтакор" ҳисобида ҳам ҳудди шунча очко бор. "Қўқон-1912" 17 очко билан 12-поғонада.

"Насаф" - "Қўқон-1912" - 2:1

Голлар: 26 - Саитов (1:0), 72 - Норбеков (1:1), 90+4 - Алиқулов (2:1)

16.09.2022 йил.

Қарши, "Марказий" стадиони. 18:30

"Насаф": 35.Абдувоҳид Неъматов, 4.Ҳусниддин Алиқулов, 5.Ғолиб Ғайбуллаев, 8.Дилшод Саитов, 10.Ҳусайн Норчаев, 18.Баҳром Абдураҳимов, 22.Акмал Мозговой, 34.Шерзод Насруллаев, 77.Ойбек Бозоров, 88.Марко Станоевич, 92.Умар Эшмуродов.

"Қўқон-1912": 1.Музаффар Абдуллаев, 4.Илҳомжон Ваҳобов, 6.Дилшод Раҳматуллаев, 7.Жамшид Ҳасанов, 8.Санъат Шихов, 10.Жавоҳир Сидиқов, 11.Шоҳназар Норбеков, 13.Сардор Азимов, 15.Ойбек Рустамов, 17.Қувондиқ Рўзиев, 77.Мурод Холмуҳаммедов.