Superliga 19-turidan o‘rin olgan uchrashuvda "Nasaf" "Qo‘qon-1912"ni qabul qilib, 2:1 hisobida g‘alaba qozondi.
O‘yindagi ilk golni Dilshot Saitov 26-daqiqada kiritdi. Qo‘qonliklardan Shohnazar Norbekov 72-daqiqada bu golga javob qaytardi. 90+4-daqiqada Husniddin Aliqulovning kiritgan goli "ajdarlar"ga muhim uch ochkoni taqdim etdi.
Turnir jadvalida "Nasaf" 38 ochko bilan peshqadam, 2-o‘rindagi "Paxtakor" hisobida ham huddi shuncha ochko bor. "Qo‘qon-1912" 17 ochko bilan 12-pog‘onada.
"Nasaf" - "Qo‘qon-1912" - 2:1
Gollar: 26 - Saitov (1:0), 72 - Norbekov (1:1), 90+4 - Aliqulov (2:1)
16.09.2022 yil.
Qarshi, "Markaziy" stadioni. 18:30
"Nasaf": 35.Abduvohid Ne’matov, 4.Husniddin Aliqulov, 5.G‘olib G‘aybullayev, 8.Dilshod Saitov, 10.Husayn Norchayev, 18.Bahrom Abdurahimov, 22.Akmal Mozgovoy, 34.SHerzod Nasrullayev, 77.Oybek Bozorov, 88.Marko Stanoyevich, 92.Umar Eshmurodov.
"Qo‘qon-1912": 1.Muzaffar Abdullayev, 4.Ilhomjon Vahobov, 6.Dilshod Rahmatullayev, 7.Jamshid Hasanov, 8.San’at Shixov, 10.Javohir Sidiqov, 11.SHohnazar Norbekov, 13.Sardor Azimov, 15.Oybek Rustamov, 17.Quvondiq Ro‘ziyev, 77.Murod Xolmuhammedov.
