"Monako" markaziy yarim himoyachisi Lamin Kamara faoliyatini "Liverpul"da davom ettirishi mumkin.
indykaila News ma’lumotiga ko‘ra, "Chelsi" bilan amalga oshmay qolgan transferdan so‘ng Kamara "Liverpul" bilan 5 yillik shartnoma shartlarini kelishib olgan.
Manbaning ta’kidlashicha, mersisaydliklar 22 yoshli futbolchini yanvar oyida sotib olishni rejalashtirmoqda. Ayni paytda klublar bitimning so‘nggi tafsilotlarini kelishib olmoqda.
Kamara joriy mavsumda barcha musobaqalar doirasida 4 ta uchrashuvda maydonga tushib, 1 ta golli uzatmani amalga oshirgan.
Transfermarkt ma’lumotiga ko‘ra, senegallik yarim himoyachining bozor qiymati 40 million yevroni tashkil etadi.
