"Шахтёр" ва "Сассуоло" клубларининг собиқ бош мураббийи Роберто Де Зерби "Брайтон"ни бошқариши мумкин, дея хабар беради журналист Фабрицио Романо.
Томонлар муваффақиятли музокаралар олиб боришди. Бироқ, инглиз клуби ҳали якуний қарорга келгани йўқ.
Ўтган мавсумда 43 ёшли мутахассис "Шахтёр"ни бошқарганди. Бунгача у 2018 йилдан 2021 йилгача “Сассуоло”ни бошқарган.
Грэм Поттер "Челси" билан 5 йиллик шартнома имзолаганидан кейин "Брайтон" мураббийсиз қолди.
Айни дамда “чағалайлар” 6 ўйиндан сўнг 13 очко жамғарган ҳолда Премьер-лига турнир жадвалида тўртинчи ўринда бормоқда.
