“Манчестер Сити” ҳужумчиси Эрлинг Холанд август ойида Премьер-лиганинг энг яхши футболчиси деб топилди.

22 ёшли норвегиялик футболчи 2022 йилда ушбу совринни қўлга киритган ягона "Сити" футболчисига айланди.

Холанд август ойида “Манчестер Сити” таркибида 5 та ўйинда 9 та гол урди ва 1 та голли узатмани амалга оширди.

Жорий мавсумда ҳужумчи "шаҳарликлар" сафида барча мусобақаларда 9 ўйинда 13 та гол ва 1 та голли узатмани амалга оширди. Унинг клуб билан шартномаси 2027 йилнинг 30 июнига қадар мўлжалланган.