“Андижон” ва “Бунёдкор” жамоалари ёшлари ўртасидаги баҳсда мезбонларнинг қўллари баланд келди.

Учрашув илк дақиқалардан бошлаб майдон эгалари ҳужумга эътибор қаратишди. Натижада 14-дақиқадаёқ Акмал Эргашев ҳисобни очишга эришди. Ўтказиб юборилган голдан сўнг ҳали ўзларига келиб улгуришмаган ёш “қалдирғочлар” ўз дарвозаларининг иккинчи тўпни олиб чиқишди. Гол муаллифи – Адҳам Нормуҳаммедов.

Қолган дақиқаларда Андрей Пинчуков бошчилигидаги “Бунёдкор” ёшлари вазиятни ўнглаш учун бор эътиборларини ҳужумга қаратиган бўлсалар-да, рақиб дарвозасига йўл топишни уддалай олишмади.

“АНДИЖОН” – “БУНЁДКОР” 2:0 (2:0)
Голлар: Акмал Эргашев (14), Адҳам Нормухамедов (15)
Ҳакамлар: О.Туйчибаев (Фарғона), Б.Рўзиматов, А.Исамутдинов, А.Рахимов
Назоратчи: В.Штерн (Тошкент)
30 июнь. Андижон. 115 томошабин