"Манчестер Юнайтед"даги фаолияти билан танилган норвегиялик мутахассис Оле-Гуннар Сульшер Англия Премьер-лигасига қайтиши мумкин. Бу ҳақда Daily Star нашри маълум қилди.
Манбанинг ёзишича, "қизил иблислар"нинг собиқ бош мураббийи "Брайтон"ни бошқариши мумкин. “Чайкалар” Лондоннинг “Челси” клубига ўтиб кетган Грэм Поттерга ўринбосар қидирмоқда.
Эслатиб ўтамиз, 49 ёшли мураббий 2018 йилдан 2021 йилгача "манкунианликлар"ни бошқарган.
Англия Премьер-лигасида ўтказилган олти турдан сўнг "Брайтон" 13 очко тўплади ва турнир жадвалида тўртинчи ўринда бормоқда.
