“Бавария” ва Франция терма жамоаси ҳимоячиси Бенжамен Павар терма жамоа бош мураббийи Дидье Дешам ҳақидаги фикрлари билан ўртоқлашди.
“У футболчилар билан жуда яқин муносабатда. "Штутгарт"да ўйнаганимда у тез-тез ўйинларни томоша қилиш учун келарди. Мураббий билан жуда яхши муносабатдаман, ундан кўп қарздорман - мен у учун майдонда ўлишга тайёрман", - дея Паварнинг сўзларини келтиради GFFN.
53 ёшли мутахассис Франция терма жамоасини 2012 йилдан буён бошқариб келмоқда. Унинг раҳбарлигида терма жамоа Европа чемпионати финалчиси (2016), 2018 йилги жаҳон чемпиони, УЕФА Миллатлар лигаси (2020/21) ғолибига айланди.
