Испания — Европа чемпиони! Саволлар борми?!
Испания — Чемпион! Бизнингча, бу ўйинга ортиқча таъриф ёки шарҳ ёзиш шарт эмас...
Майдонда кураш кўриш иштиёқида ёнаётганларнинг орзуси чиппакка чиқди. Испания айбдорми? Ёки Аршавиннинг таъбири билан айтганда, бу бизнинг муаммомизми?!
Хорди Альбанинг голидан кейин масала ҳал бўлди. Скуадро Адзурра ҳақида нимадир дейиш қийин. Ҳозир Испаниянинг даври. Улар кўрсатаётган футболнинг даври. Финал учун мос ҳисоб эмас, аммо нима ҳам дердик.
Испания терма жамоасининг барча мухлисларини табриклаймиз.
Деярли бутун иккинчи тайм давомида 90 дақиқа давомида 10 киши бўлиб ўйнаган италияликларга ачинишдан ўзга чора йўқ. Испания финалда ўзининг нафақат мусобақадаги, балки, сўнгги икки йил ичидаги энг чиройли ва энг кучли ўйинини ўтказди.
Италия эса ҳар қандай ҳолатда ҳам ҳурматга лойиқ. Пирлонинг кўз ёшларини намойиш этишаётган пайтда шарҳни тугатдим.
Куч қолмади.
Ш.РАЖАБОВ
Евро-2012. ФИНАЛ
ИСПАНИЯ – ИТАЛИЯ 4:0 (2:0)
Голлар: Давид Сильва (14), Хорди Альба (41), Фернандо Торрес (84), Хуан Мата (88).
Испания: Касильяс, Арбелоа, Пике, Рамос, Альба, Бускетс, Хави, Алонсо, Фабрегас (Торрес, 75), Сильва (Педро, 59), Иньеста (Мата, 87).
Италия: Буффон, Абате, Бардзальи, Бонуччи, Кьеллини (Бальдзаретти, 21), Пирло, Маркизио, Монтоливо (Т. Мотта, 57), Де Росси, Балотелли, Кассано (Ди Натале, 46).
Огоҳлантиришлар: Пике (25), Бардзальи (45).
Бош ҳакам: педро Проенса (Португалия)
2012 йил 1 июль, Киев «Олимпийский» МСК.
