"Атлетико" бош мураббийи Диего Симеоне "Мадрид дерби"сида мағлуб бўлганидан сўнг рақиблари ҳақида илиқ фикрларни билдирди.
“Матрасчилар” ўз майдонида “қаймоқранглилар”га 1:2 ҳисобида имкониятни бой берди. Шу тариқа, Карло Анчелотти шогирдларига жорий мавсумдаги ғалабали сериясини тўққизта ўйинга етказиб олди.
"Реал" кўп югурмайди, лекин улар ақлли тарзда ёпилади, сизни бўш жойдан маҳрум қилади ва хавфли қарши ҳужумларни амалга оширади. Улар яхши ўйинни ихчам ҳимоя билан уйғунлаштира олади. Бу жамоа жуда кучли”, - деди Симеоне ўйиндан кейин.
Олти турдан кейин Испания чемпионатида пешқадам “Реал” “Атлетико”дан саккиз очкога ўзиб кетди.
