"Манчестер Сити" ярим ҳимоячиси Кевин де Брюйне жамоадоши Жек Грилишнинг манзилига бўлаётган танқидлар адолатсиз эканини айтди.
Англиялик футболчини “шаҳарликлар” 2021 йилнинг ёзида “Астон Вилла”дан 117,5 миллион еврога сотиб олишганди, аммо ҳозирча умидларни умуман оқлай олмади – 45 ўйинда атиги 7 та гол ва тўртта голли узатма.
Де Брюйненинг фикрича, футболчиларга фақат самарали ҳаракатларига қараб баҳо бериш керак эмас: “Замонавий футболда ҳамма голлар ва голли узатмалар ҳақида гапиради, аммо бошқа жиҳатлар ҳам кўп, жамоамиз кўп ўйинларда ғалаба қозонади. Жек жуда яхши ўйинчи, лекин уни доимо танқид қилишади", - деди Де Брюйне.
