"Реал" ҳимоячиси Антонио Рюдигер "қаймоқранглилар" бош мураббийи Карло Анчелотти билан биргаликда кечки овқат ҳақида гапирди.
“Эшик қўнғироғи чалингунча уйимда эдим. Мен уни очдим, бу Анчелотти эди. Вой, у оилам билан дастурхонимизда ўтирибди. Икки соат гаплашдик. Мен ҳеч қачон бунақасини бошдан кечирмаганман, ҳеч бир мураббий мен учун бундай қилмаган”, деди Рюдигер Sport 1 нашрига берган интервюсида.