"Барселона" ярим ҳимоячиси Педри Испания терма жамоасидаги фаолияти ҳақида гапирди.
“Терма жамоада эканлигимдан фахрланаман, бу ҳали жаҳон чемпионати учун қайднома эмас, лекин бу икки муҳим ўйинга келганимдан хурсандман. Биз Миллатлар Лигасининг “Тўртлик” финалида бўлишни истаймиз. Мен бу ерда бўлишдан завқ оламан ва энг яхшилардан ўрганаман", - деди Педри Mundo Deportivo нашрига.
19 ёшли Педри Испания терма жамоасидаги дебютини 2021 йилнинг март ойида ўтказган ва терма жамоа сафида 12 та ўйинда майдонга тушиб, голли узатмаларни амалга оширишга муваффақ бўлган.
24 сентябрь куни Испания терма жамоаси Миллатлар лигасида Швейцария билан ўйнаса, уч кундан кейин Португалия билан сафарда тўқнаш келади.