"Бавария" ярим ҳимоячиси Райан Гравенберх Мюнхен клубидаги ўйин амалиёти камлигидан норози эканини айтди.
“Тўғрисини айтсам, мен воқеалар ривожидан норозиман. Мен ўйнамоқчиман, лекин бош мураббий бошқа футболчиларни танлаяпти. Мен буни қабул қилишим керак, лекин у билан келишиш қийин. Мен кўпроқ дақиқаларга умид қилгандим, лекин хотиржам бўлишим керак. Балки мураббий халқаро танаффусдан кейин менга майдонда кўпроқ вақт ажратар.
Мен "Бавария"да кўп вақтимни Маттейс де Лигт ва Нуссаир Мазрауи билан ўтказаман, биз кўпинча биргамиз. Айтишим керакки, Томас Мюллер ҳақиқатан ҳам жамоага ажойиб муҳит олиб келадиган одам", - деди Гравенберх.
20 ёшли ярим ҳимоячининг мюнхенликлар билан шартномаси 2027 йилнинг ёзига қадар мўлжалланган.
