Мюнхеннинг "Бавария" клуби январь ойида янги ҳужумчи сотиб олмайди. Sky Germany нашри тарқатган хабарга кўра, бош мураббий Юлиан Нагельсманн айни пайтдаги қўл остидаги футболчиларни ўйнатишга мажбур.
Эслатиб ўтамиз, "Бавария" аввалроқ жамоани тарк этиб, "Барселона"га ўтиб кетган Роберт Левандовскининг ўрнига ўринбосар топмаган. "Бавария" жамоа тарихидаги иккинчи тўпурар ўрнига "Ливерпул"дан номинал ҳужумчи Садио Манени ўз сафига қўшиб олди.
"Бавария" "Тоттенхэм" ҳужумчиси Харри Кейннинг трансферига қизиқиш билдирмоқда. Англиялик футболчининг шартномаси 2024 йилда тугаши сабабли, келаси ёзда унинг нархи камайиши мумкин.
