"Манчестер Сити" ҳимоячиси Жоау Канселу муайян рақибга қандай мослашиши кераклиги ҳақида гапирди.
Эслатиб ўтамиз, португалиялик футболчи 2019 йилнинг ёзида Туриннинг "Ювентус" клубидан ўтганидан бери "шаҳарликлар" сафида тўп сурмоқда.
“Мен ҳар доим муайян учрашувда мураббий мендан талаб қиладиган функцияларга имкон қадар мослашишга ҳаракат қиламан. Менимча, кўп нарса ўз-ўзидан содир бўлади. Мен шунчаки жамоага ёрдам беришни хоҳлайман", - деди Канселу Eleven Sports PT нашрига.
Эслатиб ўтамиз, Канселу ўтган мавсумда Премьер-лиганинг рамзий жамоасига кирди. “Манчестер Сити” айни дамда чемпионатда пешқадам “Арсенал”дан бир очко ортда қолиб, иккинчи ўринда бормоқда.
