"Вест Хэм"нинг собиқ ярим ҳимоячиси Марк Ноубл бугун расман клубнинг янги спорт директори этиб тайинланди.
“Марк ўз лавозимини 2023 йилнинг 2 январидан бошлайди. У ўз иши орқали бош мураббий Давид Мойесга ёрдам беради, шунингдек, директорлар кенгаши билан ишлайди", - дейилади клуб хабарида.
Эслатиб ўтамиз, Марк Ноубл профессионал футболчилик фаолиятини 2022 йилнинг май ойида 35 ёшида якунлаган эди. Ярим ҳимоячи ва собиқ жамоа сардори 2005/06 йилги мавсумдан бери "болғачилар" сафида ўйнаб келди.
"Вест Хэм" Англия Премьер-лигасида 7 та ўйиндан сўнг 4 очко жамғарган ҳолда қуйи лигага тушиб кетиш зонасида бормоқда.
