Агар Жерар Пике жамоани тарк этса, "Барселона" ёзда Иньиго Мартинесни сотиб олиши мумкин.
Mundo Deportivo хабарига кўра, Каталония клубида ҳимояга янги келиши мумкин бўлган футболчилар рўйхати катта, аммо "Барса" "Атлетик" ҳимоячисини Пике ўрнига асосий номзод деб ҳисоблайди. Жерарнинг клуб билан шартномаси 2023 йилнинг ёзида тугайди, агар ҳимоячи жорий мавсумда ўйин вақтининг 35% дан камроғини ўйнаса.
Ўтган ёзда "Барса" Пикега 2022/23 йилги мавсумда ўйнаш вақти камроқ бўлишини айтган эди. Шунга қарамай, футболчи асосий таркибдан жой учун курашиш учун жамоада қолишга қарор қилди.
Мартинеснинг "Атлетик" билан шартномаси 2023 йилнинг ёзига қадар амал қилади ва ҳозирча футболчи янги шартнома имзолаш ниятида эмас.
Шундай қилиб, Пике кетган тақдирда "Барса" Иньиго билан текинга шартнома имзолаши мумкин.
Июль ойида "Барселона" 31 ёшли ҳимоячи билан 4 йиллик шартнома шартларини келишиб олди, бироқ "Атлетик" футболчини сотишни истамади.
Испаниялик футболчи жорий мавсумда “Атлетик” сафида Ла Лигада иккита ўйинда майдонга тушди.
