Миллатлар лигаси биринчи гуруҳи 5-тури доирасида Франция терма жамоаси Сен-Денида Австрия терма жамоасини қабул қилди. Учрашувда французлар ишончли ғалаба қозонишди. Австрия терма жамоаси сафидаги 103-учрашувини ўтказган Марко Арнаутович учрашув натижаси ҳақида фикр билдирди. У мағлубиятни табиий деб ҳисоблайди.
"Франция жаҳон чемпиони ва улар бўлажак жаҳон чемпионатида муҳим жамоа бўлишади. Уларнинг таркиби жаҳон миқёсидаги юлдузлардан иборат. Биз эса Хорватия билан ўйинни кутмоқдамиз, бу осон бўлмайди, лекин биз ғалаба қозонишга ҳаракат қиламиз", - деди Арнаутович УЕФА расмий сайтига.
Австрия - Хорватия учрашуви 25 сентябрь куни бўлиб ўтади.
