"Вильярреал" вингери Алекс Баэнага Англиянинг бир қатор клублари қизиқиш билдирмоқда, дея хабар беради Diario Sport.
Унга "Манчестер Сити", "Ливерпуль", "Челси" ва "Арсенал" клублари қизиқиш билдирмоқда. Ҳозирда унинг шартномасида товон пули 35 миллион еврони ташкил қилади, аммо “сариқ сувости кемаси” буни янада оширишга ҳаракат қилади. Амалдаги келишув 2025 йилгача мўлжалланган.
Баэна фаолиятини “Вильярреал”да бошлаган ва ўтган мавсумда “Жирона”да ижара асосида ўйнаган. Жорий мавсумда у 10 та ўйинда 6 та гол урди ва 2 та голли узатмани амалга оширди.