"Милан"нинг техник директори Паоло Мальдини Рафаэль Леау билан янги шартнома борасидаги музокараларнинг бориши ҳақида гапирди.
Аввалроқ, Мальдини "Челси" томонидан қизиқиш билдирилаётган португалиялик футболчи билан янги шартнома имзолаш ниятида эканлигини эълон қилган эди.
"Менимча, бизда Леау билан янги шартнома бўйича келишиб олиш ва ҳамкорликни давом эттириш учун жуда яхши имконият бор. Рафаэль "Милан" унинг янада ўсиши учун энг яхши жой эканини билади", - деди "россонерилар"нинг техник директори Gazzetta dello Sport билан суҳбатда.
23 ёшли футболчи бу мавсумда “Милан” сафида 8 та ўйинда майдонга тушиб, 3 та гол урди ва 6 та голли узатмани амалга оширди.
