Лионель Месси парижликларнинг жорий мавсумдаги асосий мақсадини айтди.
“Мақсад ҳаммага маълум. "ПСЖ" анчадан бери Чемпионлар лигасида ғалаба қозонишни орзу қилган. Ўтган йили биз "Реал"га қарши иккита ажойиб ўйин ўтказдик, аммо майда деталлар учрашув тақдирини ҳал қилганди", - деди Ole нашри билан суҳбатда "Олтин тўп"нинг етти карра ғолиби.
Ҳужумчининг сўзларига кўра, Чемпионлар лигасининг нюанси шундаки, кучлироқ жамоа ҳар доим ҳам турнирда олдинга кетавермайди. Шу боисдан Месси клуби орзу қилган кубок йўлида ҳар қандай қийинчиликларга ҳозирлик кўрмоқда.
Эслатиб ўтамиз, Лионель фаолияти давомида тўрт марта ЕЧЛда ғолиб чиққан. У сўнгги маротаба 2015 йилда ушбу совринни қўлга киритганди.
