Мюнхеннинг “Бавария” клуби қишки трансфер ойнасида “Ювентус” ҳужумчиси Душан Влаховични сотиб олмоқчи эмас. Бу ҳақда журналист Кристиан Фальк Твиттерда хабар берди.
Олдинроқ Туриннинг "Ювентус" клуби Влаховични Англия Премьер-лигаси (АПЛ) клубларига сотмоқчи эмаслиги ҳақида хабар берилганди.
22 ёшли Влахович “Ювентус”га 2022-йилнинг январида “Фиорентина”дан 81,6 миллион евро эвазига келиб қўшилганди. Янги жамоаси учун ҳужумчи 29та ўйинда 13та гол урди ва 2та голли узатмани амалга оширди. Томонлар ўртасидаги келишув 2026 йилда якунига етади.