Myunxenning “Bavariya” klubi qishki transfer oynasida “Yuventus” hujumchisi Dushan Vlaxovichni sotib olmoqchi emas. Bu haqda jurnalist Kristian Falk Tvitterda xabar berdi.
Oldinroq Turinning "Yuventus" klubi Vlaxovichni Angliya Premyer-ligasi (APL) klublariga sotmoqchi emasligi haqida xabar berilgandi.
22 yoshli Vlaxovich “Yuventus”ga 2022-yilning yanvarida “Fiorentina”dan 81,6 million yevro evaziga kelib qo‘shilgandi. Yangi jamoasi uchun hujumchi 29ta o‘yinda 13ta gol urdi va 2ta golli uzatmani amalga oshirdi. Tomonlar o‘rtasidagi kelishuv 2026 yilda yakuniga yetadi.