Англия терма жамоаси марказий ҳимоячиси Харри Магуайр Германияга қарши ўйинда икки гол ўтказиб юборилган хатолари учун узр сўради.
“Хатолар футболнинг бир қисми ва бунинг учун узр сўрайман. Йигитлар руҳият кўрсатишди ва учрашув ривожини ўзгартиришга муваффақ бўлишди. Ижобий жиҳатларга кўпроқ эътибор қаратиб, жаҳон чемпионати бошланишини кутишимиз керак. Қийин кунлар бизни фақат кучлироқ қилади", - дейилади ҳимоячининг ижтимоий тармоқдаги хабарида.
Эслатиб ўтамиз, Англия - Германия учрашуви "Уэмбли" стадионида бўлиб ўтган ва 3:3 ҳисобида дуранг билан якунланган эди.
