"Барча яхши нарсалар ўз ниҳоясига этиши керак" деган нақл бор ва менинг профессионал футболчилик фаолиятим учун ўша кун келди" - деб пост қолдирди Жон Оби Микель ижтимоий тармоқда. "Челси"да ўйнагани билан танилган ярим ҳимоячи бутсаларини илишга қарор қилди.
Оби Микель футболдаги ютуқларидан мамнун эканлигини ёзди. У собиқ клублари, мураббийлари, ҳамкорлари ва мухлисларига миннатдорчилик билдирди.
"Бу хайрлашув эмас, балки бошқа саёҳатнинг бошланиши - ҳаётимнинг яна бир боби" - деб ёзади Микель.
Жон Оби Микель ўз фаолиятини анча эрта - 35 ёшида якунлади. Нигериялик футболчининг асосий ютуғи - 2012 йилги Чемпионлар лигасидаги ғалаба.
