Сербия терма жамоаси марказий ҳужумчиси Александр Митрович Миллатлар лигаси гуруҳ босқичининг сўнгги турида Норвегия термаси устидан қозонилган ғалаба ҳақида гапирди. Учрашув 2:0 ҳисобида якунланди.

“Мухлисларимиз қандай курашаётганимизни кўришади. Сербия терма жамоасининг мақсади - ўзини максимал даражада кўрсатиш ва майдонда бир-бирига ёрдам бериш. Натижада биз ягона механизмга ўхшаймиз. Бизда шундай жамоа борки, унга қарши ҳеч ким ўйнашни хоҳламайди.

Биз А дивизионига чиқдик, у ерда энг кучли жамоалар билан рақобатлашамиз. Бу бизнинг мақсадимиз эди. Келинг, қандай даражада эканлигимизни кўриб чиқайлик", - дейди Митрович.

Олти тур якунларига кўра, Сербия 13 очко жамғариб, ўз гуруҳида ғалаба қозонди.