Сербия терма жамоаси ҳужумчиси Душан Тадич Миллатлар лигаси гуруҳ босқичидан ўрин олган Норвегияга қарши ўйиндан сўнг журналистлар билан суҳбатлашди. Серблар 2:0 ҳисобида ғалабани нишонлади ва ўз гуруҳи ғолибига айланди.
“Бизнинг натижамиз жамоанинг яхши ишлаётганидан далолатдир. Энди биз сифатли ва жозибали футбол намойиш этмоқдамиз. Жамоадаги ҳамма майдонда нима қилишни билади. Худди шу руҳда давом этишимиз керак.
Норвегия устидан қозонилган ғалаба жамоавий меҳнат натижасидир. Бу муҳим натижа, аммо олдинда жаҳон чемпионати бор. Биз бор эътиборимизни жаҳон чемпионатига қаратганмиз, тайёргарликни давом эттирмоқдамиз", - дея форварднинг сўзларини келтиради Kurir.
2022 йилги Жаҳон чемпионатида Сербия терма жамоаси Камерун, Бразилия ва Швейцария терма жамоалари билан бир гуруҳдан жой олган.
