Бразилиялик ҳужумчи Ришарлисон Тунис терма жамоасига қарши ўртоқлик учрашуви вақтида юз берган воқеа ҳақида гапирди. Гол нишонлаш вақтида трибунадан ҳужумчига банан улоқтирилди.
"Яхши, мен сезмадим. Ўша пайтда қандай муносабатда бўлишимни ҳам билмайман. Умид қиламанки, айбдор топилади ва жазоланади. Яқинда Винисиус билан вазият юзага келди, энди бу. Уни топиб жазосини беришсин. Бу воқеа бошқаларга сабоқ бўлиши керак", - деди Goal.com билан суҳбатда.
Назорат учрашуви Бразилиянинг 5:1 ҳисобидаги йирик ғалабаси билан якунланди. Голлардан бирини Ришарлисон киритди.
