"Интер" марказий ҳимоячиси Милан Шкриньяр бош мураббий Симоне Индзаги билан ишлаш ҳақидаги таассуротлари билан ўртоқлашди.
Эслатиб ўтамиз, италиялик мураббийнинг тақдири хавф остида турибди, чунки А Сериянинг дастлабки 7 турида "нерадзуррилар" учта ўйинда мағлуб бўлишди.
"У бизга ўхшайди. Симоне биз билан тез-тез гаплашади ва ҳазиллашади, лекин қаттиқ гап айтиш керак бўлганда, у юзимизга тўғри гапиради. Менимча, Индзаги жуда мувозанатли мураббий. У жамоани қандай қилиб юқорига кўтаришни билади", - деди Шкриньяр DAZN билан суҳбатда.
Эслатиб ўтамиз, ўтган мавсумда Индзаги "Интер" билан Италия кубогини ютган эди. Лигада “нерадзуррилар” чемпион бўлган “Милан”дан икки очко ортда қолишди.
