"Челси" ҳаммуаллифи Тодд Боэли Дортмунднинг "Боруссия" клуби ярим ҳимоячиси Жуд Беллингемнинг атрофидагилар билан музокара ўтказмоқда. The Telegraph нашри хабарига кўра, "кўклар" келаси ёзда англиялик футболчини сотиб олмоқчи.
“Челси” ярим ҳимоячи учун 150 миллион евро тўлашга тайёр, бироқ Беллингем учун курашда яна кўплаб топ-клублар иштирок этмоқда. Аввалроқ, Жуд учун курашда фаворитлар "Ливерпуль" ва "Реал" эканлиги ҳақида хабарлар тарқалган эди.
"Челси" Беллингемдан ташқари "Вест Хэм" сардори Деклан Райсни ҳам ўз сафига қўшиб олмоқчи. Эслатиб ўтамиз, Жоргиньо ва Нголо Кантенинг шартномаси мавсум охирида якунига етади.
