Европа чемпионатида мувафақиятсиз иштирок этганидан сўнг нидерландларнинг собиқ бош мураббийи Берт ван Марвейк лавозимидан озод этилган ва терма жамоа бошқарувига янги мураббий изланаётган эди. Таниқли голландиялик мураббий Луи ван Гаал Голландия терма жамоасининг янги бош мураббийи этиб тайинлангани ҳақида хабар бериб ўтдик.

Ушбу қарор ҳақида Голландия футбол федерацияси раҳбари Берт ван Оствеен ўз фикрларини айтиб ўтди. 

"Биз ван Гаал билан шартнома имзолаганимиздан хурсандмиз" дейди Голландия футбол федерацияси раҳбари Берт ван Оствеен. "Биз жуда катта тажрибага эга ва ҳам инсоний ҳам мураббийлик жиҳатидан кучли мутахассис излаётган эдик. 

Ван Гаал миллий ва халқаро миқёсда ўз сўзига эга ва мен уни ҳаркатчан ҳамда ўз ишига чин дилдан ёндашадиган мураббий деб биламан."

Шунингдек, Луи ван Гаалнинг ўзи ҳам фикр билдириб ўтди. 

"Голландия футбол раҳбариятининг менга ишонч билдирганидан хурсандман. Бу мен анчадан буён кутаётган чақирув бўлди" дедйи "учар голландлар"нинг янги устози. 

Эслатиб ўтамиз, ван Гаал Голландия терма жамоасини 2002 йилда ҳам бошқарган, бироқ терма жамоани Жанубий Корея ва Японияда ўтказилган Жаҳон чемпионатига олиб чиқолмагач, истеъфога чиқарилган эди. Шунингдек, ушбу мутахассис Мюнхеннинг "Бавария" клубида фолият олиб борган ва 2011 йилда у ерни тарк этган эди.