"Манчестер Юнайтед" марказий ҳимоячиси Рафаэль Варан "Манчестер Сити"га қарши ўйинда жароҳат олди.
Франциялик футболчи Манчестер дербисида ўйинни асосий таркибда бошлади, бироқ 40-дақиқада майдонни тарк этишга мажбур бўлди. L'Equipe хабарига кўра, 29 ёшли футболчи тўпиғидан жароҳат олган ва бу жароҳат қанчалик жиддий эканлиги ҳозирча аниқ эмас.
Текширув бугун бўлиб ўтади. Франция терма жамоаси вакиллари вазиятни диққат билан кузатиб бормоқда, чунки Қатарда Жаҳон чемпионати бошланишига оз қолди.
Рафаэль Варан жорий мавсум “Манчестер Юнайтед” сафида 7 та ўйинда майдонга тушди.