“Монако” ҳужумчиси Виссам Бен Йеддер Франция терма жамоаси сафида жаҳон чемпионатида ўйнашни ҳоҳлашини тан олди.

“Мен қўлимдан келган ҳамма нарсани беришда давом этаман. Бу жаҳон чемпионати ва бу терма жамоа ҳақида ҳамма орзу қилади. Мен тикланиш ва ишлашни давом эттириш учун қўлимдан келганини қиляпман. Жаҳон чемпионатида қатнашадиган таркибдан жой олиш қийинлигини тушунаман. Танлов мураббийга боғлиқ. Мен таслим бўлмайман”, - деди форвард.

32 ёшли ҳужумчи 2018 йилда Франция терма жамоаси сафида дебют қилган. Умумий ҳисобда Бен Йеддер терма жамоа сафида 19 та ўйин ўтказиб, 3 та гол урган.