Англия терма жамоаси ва “Манчестер Юнайтед”нинг собиқ футболчиси Рио Фердинанд “қизил иблислар” мураббийлар штаби амалда майдонда фойдаланмаётган янги футболчи Каземиро ҳақида гапирди.
“Каземирога имконият берилмади. Трансфердан сўнг у фақат кучсиз рақибга қарши ўйинда майдонга тушди. У ажойиб формада эди, лекин унга таркибдан жой берилмаяпти. Ҳозир унинг аҳволи оғирлашди, чунки у захирада ўтирибди. Қизиқ, Каземиро "Реал"да қандай мартаба бўлганини ҳисобга олсак, ҳозир қандай фикрда экан?", - дея Фердинанднинг сўзларини келтиради Talksport.
30 ёшли бразилиялик ёзда 70 миллион евро эвазига "Манчестер Юнайтед"га ўтган эди. У билан 2026 йилнинг ўрталарига қадар шартнома имзоланган.
