"Реал Мадрид" ярим ҳимоячиси Федерико Вальверде жамоага жуда фойдали футболчи эканлигига ишонмоқда.

“Бугунги Феде Вальверде уч йил олдингидек эмас. Бугун мен ўзимни жуда муҳим ҳис қиламан. Ўйлайманки, жамоага ҳимояда ҳам, ҳужумда ҳам ёрдам бера оламан.

Бизда Жаҳон кубогида ғалаба қозониш ва улар бунга лойиқ бўлган ўша кичик совғани бутун мамлакатга олиб келиш хаёлига эгамиз. Мен Чемпионлар лигасида ғалаба қозондим, лекин мен ҳаммасидан кўра Жаҳон чемпиони бўлишни хоҳлайман", - дея 24 ёшли футболчининг сўзларини келтиради Маrcа.

У Англия терма жамоасининг собиқ ярим ҳимоячиси Стивен Жеррард билан солиштиришга ҳам муносабат билдирди.

“Сизни шундай футболчи, юлдуз, жаҳон кумири билан солиштиришлари ажабланарли. Ҳа, мен у билан ўхшашликларни кўрмоқдаман ", - дея қўшимча қилди Вальверде.

Жорий мавсумда уругвайлик футболчи “Реал” сафида 9 та ўйинда майдонга тушиб, 4 та гол урди ва 2 та голли узатмани амалга оширди.