Ҳужумчи Аркадиуш Милик "Ювентус"нинг сешанба куни эрталабки машғулотида қатнашмади. Football Italia нашри хабарига кўра, польшалик ҳужумчининг мушаклари билан боғлиқ муаммолар бор, шу боис у тренажёр залида якка тартибда шуғулланган.
Аркадиуш Милик Чемпионлар лигаси гуруҳ босқичи 3-турида чоршанба оқшомида "Маккаби"га қарши ўйнай оладими ёки йўқми, ҳозирча номаълум. Бу саволга жавобни бош мураббий Массимилиано Аллегри матбуот анжуманида бериши аниқ.
28 ёшли Аркадиуш Милик 2022/2023-йилги мавсумда “Ювентус” таркибида 7 та ўйинда майдонга тушди. Польшалик ҳужумчи ҳисобига тўртта гол ёзилди.
