Испания ҳукумати 2030 йилги жаҳон чемпионатини ўтказиш бўйича Испания ва Португалиянинг қўшма аризасига Украинанинг қўшилиши эҳтимолини қўллаб-қувватлади, деб ёзади “ТАСС” қироллик вазирлар маҳкамаси вакили Изабел Родригес баёнотига таяниб.
"Ҳукумат Украинани бизнинг номзодимизга қўшишни қўллаб-қувватлайди", - деди у.
The Times нашрининг ёзишича, Украина, Испания ва Португалия 2030 йилги жаҳон чемпионати мезбонлиги учун биргаликда ариза топширади.
Бу ҳақда расман Испания ва Португалия футбол федерациялари раҳбарлари 5 октябрь куни УЕФА штаб-квартирасида бўлиб ўтадиган матбуот анжуманида маълум қилишлари керак. Шу билан бирга, Украина гуруҳ босқичининг бир нечта ўйинларини ўтказиши мумкинлиги кутилмоқда.
Бундан ташқари, Аргентина, Уругвай, Парагвай ва Чили, шунингдек, Миср, Греция ва Саудия Арабистони турнир мезбонлик қилиш ҳуқуқига даъвогарлик қилмоқда.
