«Манчестер Сити» ҳужумчиси Эрлинг Холанд «Сити»нинг сентябрь ойидаги энг яхши футболчиси деб топилди.
Англия гранди расмий сайтининг хабар беришича, ҳужумчи ортида Кевин де Брюйне ва Фил Фоден қолишган.
Эслатиб ўтамиз, норвегиялик футболчи сентябрь ойида тўртта ўйин ўтказиб, бешта гол урган эди. Қайд этиш жоиз, Холанд кетма-кет иккинчи марта «Манчестер Сити»да ойнинг энг яхши футболчиси сифатида тан олинмоқда.
“Шаҳарликлар” саккиз ўйиндан сўнг 20 очко билан Премьер-лига турнир жадвалида иккинчи ўринда бормоқда. "Манчестер Сити" ўзининг навбатдаги турида "Саутгемптон"ни қабул қилади.
