Хаби Алонсо "Байер"нинг янги бош мураббийига айланади.
Испаниялик собиқ ярим ҳимоячи немис клубининг таклифини қабул қилди, деб хабар беради Marca.
Мюнхенликлар сафида ўйнаб немис тилини деярли мукаммал ўзлаштирган “Ливерпуль”, “Реал” ва “Бавария” клубларининг собиқ футболчиси "дорихоначилар" билан 2024 йилгача шартнома имзолайди. Расмий равишда улар яқин бир неча соат ичида келишувни эълон қилмоқчи.
Алонсо 2019 йилдан 2022 йилгача "Реал Сосьедад B"ни бошқарган. Бунгача у "Реал Мадрид" ёшлар жамоасида мураббий бўлиб ишлаган.
Бундеслиганинг 8-туридан сўнг “Байер” 5 очко жамғариб, турнир жадвалида 17-ўринни эгаллаб турибди.
