"Рома" бош мураббийи Жозе Моуриньо ҳали ўтган мавсумга нисбатан жамоа савиясида сезиларли ўсишга эришгани йўқ деган фикрда.

“Ҳа, биз “Интер” ва “Ювентус”га қарши ўйинларда тўрт очко олдик, аммо “Удинезе” ва “Аталанта”га қарши ўйинларда шунча очколарни йўқотдик. Ҳозирги кўрсаткичларимизни ўтган йилги билан солиштирадиган бўлсак, фарқ унчалик катта эмас. Лекин резервлар бор: масалан, “Аталанта”дан учралган мағлубиятдан сўнг биз майдон ўртасида рақибдан устунликка эришганимизни ҳис қилдик. Ўтган мавсумда биз ҳар томонлама мағлуб бўлишимиз мумкин эди, энди эса ютқазган ёки дуранг ўйнаганимизда ҳам муносиб футбол кўрсатамиз", - деди португалиялик мутахассис Европа лигаси доирасида "Бетис"га қарши ўйин арафасида.