"Roma" bosh murabbiyi Joze Mourinyo hali o‘tgan mavsumga nisbatan jamoa saviyasida sezilarli o‘sishga erishgani yo‘q degan fikrda.
“Ha, biz “Inter” va “Yuventus”ga qarshi o‘yinlarda to‘rt ochko oldik, ammo “Udineze” va “Atalanta”ga qarshi o‘yinlarda shuncha ochkolarni yo‘qotdik. Hozirgi ko‘rsatkichlarimizni o‘tgan yilgi bilan solishtiradigan bo‘lsak, farq unchalik katta emas. Lekin rezervlar bor: masalan, “Atalanta”dan uchralgan mag‘lubiyatdan so‘ng biz maydon o‘rtasida raqibdan ustunlikka erishganimizni his qildik. O‘tgan mavsumda biz har tomonlama mag‘lub bo‘lishimiz mumkin edi, endi esa yutqazgan yoki durang o‘ynaganimizda ham munosib futbol ko‘rsatamiz", - dedi portugaliyalik mutaxassis Yevropa ligasi doirasida "Betis"ga qarshi o‘yin arafasida.
