"Челси" ҳимоячиси Рис Жеймс Чемпионлар лигаси гуруҳ босқичи 3-турида "Милан"га қарши (3:0) учрашувнинг энг яхши футболчиси деб топилди. 22 ёшли англиялик ҳимоячи бутун учрашув давомида майдонда ҳаракат қилди. У гол ва голли узатмани амалга оширди.
“Бугун у ҳимояда ҳам, ҳужумда ҳам бир хил даражада яхши ҳаракат қилди, хавфли Рафаэль Леауни тўхтатди ва ўзи гол урди”, деди УЕФА техник кузатувчиси.
“Челси” айни дамда “E” гуруҳида 3 ўйиндан кейин 4 очко билан 2-ўринда бормоқда. “Милан” қўшимча кўрсаткичлар бўйича “кўклар”дан ортда қолган 4 очко билан 3-ўринда бормоқда.
