Испаниянинг "Бетис" клуби ярим ҳимоячиси ва сардори Хоакин УЕФА Европа лигаси гуруҳ босқичи 3-тури доирасидаги "Рома" устидан қозонилган ғалаба ҳақида гапирди. Испания клуби 2:1 ҳисобида зафар қучди.
"41 ёшда "Рома" каби рақиблар билан рақобатлашиш мен учун қийин. Шу билан бирга, уч очкони қўлга киритганимиздан жуда хурсандман. Ҳаттоки 0:1 ҳисобида ортда қолаётган бўлсак ҳам, "Бетис" ўз қобилиятига ишонди ва ғалаба учун ҳаракат қилди", - деди футболчи УЕФА матбуот хизматига.
“Бетис” уч турдан сўнг 9 очко жамғариб, ўз гуруҳида биринчи ўринни эгаллаб турибди. "Рома" эса 3 очко билан учинчи ўринда бормоқда.
