Суперлига 21-туридан ўрин олган “Навбаҳор” – “Динамо” (2:0) баҳсидан сўнг меҳмонлар мураббийи Вадим Абрамов жамоасининг ўйинга танлаган тактикаси, бошқа жамоалар билан фарқи ва чемпионлик пойгасида кимнинг имконияти қандай экани ҳақида фикр билдирди.

“Очиғи, биринчи таймдаги голлардан кейин вазиятни ўзгартириш мумкин эди деб айта олмайман. Ҳозирги салоҳиятимиз бунга имкон бермайди. “Динамо” иккита гол фарқи билан ортда қолаётиб, вазиятни ўзгартира оладиган салоҳиятга эга эмас. Афсуски, вазият шундай” – деди Абрамов.

“Турнирда иштрокчи жамоалар сонини ошириш ҳақида айтган эдим, бошқа мутахассислар ҳам шундай фикрлаётган эдилар. Ҳозир ҳам шу фикримда қоламан”
“Чемпионлик учун юқоридаги учликнинг ҳаммасида имконият тенг. Ким кучли бўлса ўша чемпион бўлади”