"Рома" бош мураббийи Жозе Моуриньо ҳужумчи Пауло Дибаланинг жароҳати жуда жиддий бўлиши мумкинлигини айтди.
“Жароҳат жуда жиддий кўринади. Мен ҳаммаси ёмон, дердим, лекин ростини айтсам, Пауло билан гаплашганимдан сўнг... Менимча, ҳаммаси жуда ёмон", - дея Моуриньо сўзларидан иқтибос келтиради журналист Фабрицио Романо.
Футболчи Италия чемпионатининг 9-тури доирасидаги “Лечче”га (2:1) қарши ўйинда жароҳат олди.
28 ёшли аргентиналик футболчи 48-дақиқада пенальтини голга айлантирди, бироқ 11 метрлик зарбани йўллаш чоғида жароҳат олди, шундан сўнг икки дақиқа ўтиб Неманя Матич Паулонинг ўрнига майдонга тушди.
