"Рейнжерс"нинг 18 ёшли марказий ҳимоячиси Леон Кинг бир қатор инглиз клубларининг эътиборини тортди. Журналист Фабрицио Романонинг твиттерда ёзишича, "Манчестер Юнайтед", "Ньюкасл" ва "Лидс" ўз скаутларига футболчини кузатишни буюрган.
Ёш ҳимоячи Шотландия клубида учинчи йил тўп тепмоқда. Кинг жорий мавсумда бешта ўйинда майдонга тушди, жумладан, Чемпионлар лигасининг “Ливерпуль”га қарши учрашувида (0:2).